މި ފޮންޓްތައް ހެދުމުގެ ޚިޔާލު އައީ އަޅުގަނޑު ލިޔާ ފޮތްތަކުގެ ވާހަކަ ރައީސް އިބޫއާއެކު ދެކެވިގެން، އެފޮތްތަކުގައި ސުރުޚީ އަޅާނެ ރީތި ފޮންޓެއް ނުލިބޭ ވާހަކައިންނެވެ. ރައީސްއަށްވެސް އެކަން ފާހަގަ ވެފައިވާ ވާހަކަ ވިދާޅުވިއެވެ. އަދި ރީތި ތާނަ ފޮންޓުކޮޅެއް ޑިޒައިން ކޮށްލެވިދާނެތޯ  ރައީސް އެއްސެވިއެވެ. އަޅުގަނޑު ތިޔަކަން ވޭތޯ ބަލާނަމޭ ދެންނެވީމެއެވެ. އެހިސާބުން މިކަމަކީ ޤައުމީ ކަމެއްގެ ގޮތުގައި އަޅުގަނޑުގެ ޟަމީރު ޤަބޫލުކުރިއެވެ. އަދި މަސައްކަތް ކުރަމުން ދިޔައީ ރައީސް އިބޫއަށް ޙިއްޞާކުރަމުން އެބޭފުޅާގެ ޚިޔާލާވެސް އެކުގައެވެ. މިކަމަށް ހިތްވަރުދެއްވީތީ ރައީސް އިބޫ އަށް ފަށްފަށުން ޝުކުރު ދަންނަވަމެވެ.