އަޅުގަނޑުމެންގެ މަޤުޞަދާއި
މިހައިތަނަށް ކުރެވިފައިވާ ބައެއް
މަސައްކަތާއި ކުރިމަގުގެ ވިސްނުން

މިރަސްމިއްޔާތުގައި ކޯހުގެ ބައިވެރީންނަށް ސެޓްފިކެޓްތައް ބައްސަވައިދެއްވީ ފުވައްމުލައް ސިޓީ ކައުންސިލްގެ ސެކެޓްރީ ޖެނެރަލް އަހުމަދު ނިޖާޙު އާއި ފުވައްމުލަކު ހޮސްޕިޓަލްގެ މެނޭޖަރު އަހުމަދު ސަޢީދުއާއި ފުވައްމުލަކު ޓީއާރުސީ ކޯޑިނޭޓަރ އަލީ ޖަވާދުއެވެ.

ކޯހުން ޙާޞިލްވީ މިންވަރާމެދު ބައެއް ދަރިވަރުންނާ ސުވާލުކޮށްލީމެވެ. ” ކުރިން ވެސް ކޮންމެވެސް ވަރަކަށް ޅެމާ ލަވަޔާ މަދަޙަވެސް ހަދާއުޅުނިން. އެއީ ޅެންވެރި ކަންދަސްކޮށްދޭ ސެޝަން ތަކެއްގައި ތިން ފަހަރަކު ބައިވެރިވެގެން އެނގިފައި ހުރި އެއްޗަކާ ދެން އަމިއްލައިން މި ހުނަރު ތަރައްގީ ކުރެވޭތޯ ކުރަމުން އައި މަސައްކަތުން އެނގިފައި ހުރި އެއްޗެއްގެ ބޭނުން ކޮށްގެން. އީއޯޕީއިން ހިންގި ސެޝަންތަކުގައި ބައިވެރިވުމުން ކުރިން އުންމީދު ނުކުރާ މިންވަރަށް މި ރޮނގުން މަޢުލޫމާތު ލިބުނުކަން ވަރަށް ބޮޑަށް ފާހަގަ ކުރެވުނު. އަދި ކުރިން އެނގިފައި ހުރި ބައެއް ކަންކަން އެނގިފައި އޮތީ އެންމެ ރަނގަޅަށް ނޫންކަންވެސް އެނގުނު. ކިޔަވައި ދިނުމުގެ ދާއިރާގައި އުޅޭ މީހަކަށް ވާތީ މި ކޯހުގައި ކިޔަވައި ދެވުނު ބަލާޣާތުގެ ބަޔަކީ ޅެންވެރިކަމުގެ އިތުރަށް އަދަބީ ލިޔުންތަކުގައި ވެސް މަތީދަރަޖައަކަށް ބޭނުން ކުރެވޭނެ ބަޔަކަށްވާތީ މި ސެޝަންތައް ވެގެން ދިޔައީ އަޅުގަނޑަށް ވަރަށް ބޮޑަށް ވެސް ބޭނުންތެރި ސެޝަން ތަކަކަށް.” ޝާހީން މުޙަންމަދު